Што може да се очекува од пазарот на недвижности?

Во последниот период се забележува намалена активност на пазарот, купувачите се повнимателни, а многумина се прашуваат:

- дали да чекаат

- дали цените ќе паднат

- или ова е сепак добар момент за купување?

ШТО МОЖЕ ДА СЕ ОЧЕКУВА ОД ПАЗАРОТ?

Во наредниот период не се очекуваат драматични падови на цените на недвижностите, но можно е пазарот постепено да влезе во фаза на стабилизирање.

Она што може да се очекува е:
• помирен и побалансиран пазар,
• помал број на импулсивни купувања,
• подолг период за носење одлука кај купувачите,
• поголем фокус на квалитетот и реалната вредност на недвижностите.

Кај одредени недвижности може да има корекција на цените, особено кај:
• преценети станови,
• локации со помала побарувачка,
• постари објекти без дополнителна вредност.

Од друга страна, квалитетните локации и добро позиционираните недвижности најчесто остануваат стабилни, бидејќи побарувачката за нив секогаш постои.

Најважно е секоја одлука за купување или продажба да биде донесена информирано, со добра анализа и сигурна поддршка во целиот процес.

КАКО БАНКИТЕ И КРЕДИТИТЕ ВЛИЈААТ?

Еден од најважните фактори што денес влијаат на пазарот на недвижности се банките и условите за кредитирање. Реално, голем дел од купувачите купуваат недвижност со станбен кредит, па затоа секоја промена кај банките директно влијае врз пазарот.

Во последниот период луѓето многу повеќе ги анализираат каматните стапки и месечните рати. Денес не е доволно само да ви се допаѓа станот, туку многу важно е дали месечната рата е реално одржлива на долг рок.

Бидејќи многу често луѓето се фокусираат само на цената на недвижноста, а забораваат дека каматата и условите на кредитот можат значително да влијаат на вкупниот трошок.

Банките денес прават и подетални проверки. Се анализираат приходите, стабилноста на работното место, задолженоста, учеството и можноста клиентот редовно да го отплаќа кредитот.

Исто така, денес голем фактор е и самото учество. Многу купувачи чекаат затоа што сакаат да соберат поголемо учество за да добијат подобри услови или пониска месечна рата.

Кога кредитите се потешко достапни, автоматски се намалува бројот на купувачи на пазарот. Тоа директно влијае врз динамиката на купопродажбите.

Но од друга страна, може да се каже дека денес купувачите се и многу попретпазливи. Повеќе пресметуваат, повеќе споредуваат и не носат брзи одлуки како порано.

Ова е тема што денес најмногу влијае врз одлуките на купувачите и затоа банките имаат огромна улога во движењето на целиот пазар на недвижности.

ДАЛИ СЕГА Е ДОБРО ВРЕМЕ ЗА КУПУВАЊЕ?

Одговорот на тоа прашање е следен:
Зависи од потребата и финансиската подготвеност на купувачот

Ако:
• некој бара дом за живеење,
• има стабилни приходи,
• најде добра локација,
можеби нема причина да чека, особено ако недвижноста ги исполнува долгорочните потреби.

Ако:
• купува за инвестиција,
• очекува брз раст на цената,
• нема итност,
треба внимателно да анализира и да ги следи движењата на пазарот, каматните стапки и побарувачката.

Совршен момент за купување речиси никогаш не постои. Најважно е одлуката да биде донесена информирано и според реалните можности на купувачот.