Се продава луксузна куќа во Сопиште

Опис

Се продава прекрасна куќа во Сопиште со поглед на Скопје.

На приземје се наоѓа голема дневна соба со трпезарија, кујна, купатило и гостинска соба. Кујната е изработена од масивно орево дрво со нови кујнски апарати. Дневната е со високи плафони и камин. Од дневната се излага на голема тераса.

На вториот спрат од куќата има две детски соби со детско купатило и тераса, спална соба со купатило, тераса и со walk-in плакар, и перална со простор за машина за перење и сушење. Ходникот на вториот спрат има галерија која гледа во дневната.

Третиот спрат е со голем отворен простор со гарнитура, камин и шанк, како и голема тераса со панорамски поглед на Скопје и купатило. На најгорниот спрат има целосно функционална, и скоро како нова сауна.

Куќата има голем подрумски простор комплетно среден каде што се наоѓа внатрешната единица за топлинската пумпа, како и полици и плакари за складирање. Греењето е со топлинска пумпа Даикин низ цела куќа со подно греење на долниот спрат и сите купатила, како и фенкоилери низ целата куќа. На самиот кров има соларни панели за загревање на вода.

Куќата е со голем двор (1518м2) ограден со камен и кована ограда, опремен со терен за фудбал, кош, базен 10м на 5м (има опција за филтрирање со солемнизатор т. е. солена вода или класично филтрирање) и фонтана. За тревната површина има автоматски систем за наводнување со прскачи кои користат вода од сопствен бунар. Исто така, има и две гаражни места со автоматски врати. Во куќата има инсталирано и алармен систем и видео надзор.

Куќата се наоѓа на мирна локација, со прекрасни изгрејсонца и чист воздух кога Скопје е енормно загадено.